திருக்கடையூர் தலச்சிறப்பு

திருக்கடையூர் தலச்சிறப்பு

• சிவபெருமானது அஷ்ட வீரட்டானத்தில் ஒன்றாக திகழ்வது திருக்கடையூர். இவ்வாலயம் தருமபுரம் ஆதீன அருளாட்சிக்கு உட்பட்ட்து.
• திருஞானசம்பந்தர், நாவுக்கரசர், சுந்தரர் ஆகிய மூவரால் பாடப்பெற்ற இத்தலம் மேற்கு நோக்கி அமைந்தது.
• பிஞ்சிலம் வில்வ விருட்சத்தை தல விருட்சமாகக் கொண்டது.
• தேவர்களாலும், அசுரர்களாலும் பாற்கடல் கடைந்து அமிர்தம் எடுக்கும் முன்பு வினாயகரை வழிபடாத காரணத்தினால், அவரால் (திருடி) இந்த தலத்தில் மறைத்து வைத்த அந்த அமிர்தகுடமே! சிவலிங்கமான காரணத்தினால் மூலவருக்கு அமிர்த+கடம் "அமிர்தகடேஸ்வரர்" என திருநாமம்.

"தனம்தரும் கல்விதரும் ஒரு நாளும் தளர்வறிய
மனந்தரும் தெய்வ வடிவுந் தரும் நெஞ்சில் வஞ்சமில்லா
இனந்தரும் நல்லன எல்லாந்தரும் அன்பர் என்பவர்க்கே
கனந்தரும் பூங்குழலாள் அபிராமி கடைக்கண்களே."

அஷ்ட வீரட்டன நடந்த ஊரும் சிறப்பும்

1	திருக்கண்டியூர்	பிர்மன் சிரசு கிள்ளியது
2	திருக்கோவிலூர்	அந்தகாசுரவதம்
3	திருவதிகை	திரிபுரம் எரித்தது
4	திருப்பறியலூர்	தட்ச சம்ஹாரம்
5	விற்குடி	சலந்திரா சூரன் சன்ஹாரம்
6	திருக்கொற்கை	மன்மத தகனம்
7	வழுவூர்	யானை தோல் கிழித்தது
8	திருக்கடவூர்	எமனையே சம்ஹரித்தது